التخطي إلى المحتوى الرئيسي

حلا الزبادي ( سهل و سريع )


 

 



 

دآ حلا سريع جدآ و ممممرة لزززيز يعني  لو طبو عندك ضيوف ح يكون اول خيار تعمليه

بس دي المرة ما اتوفقت كتير بتصويرو لان طبقة البسكويت اول مرة اعملها بالزيت

و ما طلعت متماسكة فكنت كل ما اشيل قطعة تتفت و ان شاء الله لما اعملو مرة تانية اصورو صور احلى

الحلا دآ تقدري تعمليها بطبقة شوكولاتة او كراميل او توت

على حسب ذوقك انا عملتو بالكاكاو




　
المقادير :
2 بسكويت ماري
زبدة ( زيت )
 
علبة زبادي
حليب بودرة
سكر
زيت
بيضة


الطريقة :
 

اول طبقة بسكوت نطحن البسكويت ونعجنو بالزبدة او الزيت

و نفردو على الصينية
 
 

تاني طبقة

 

في الخلاط نحط علبة زبادي و بنفس العلبة حليب بودرة وسكر و زيت و حبة بيض



و نسكب الخليط على الطبقة الاولى و نحط الصينة بالفرن لمدة ٥ او ١٠ دقايق



عشان تتماسك مو تحمر


الطبقة التالتة ظرفين كراميل و كاسة ونص مويا و ملعقة صغيرة كاكاو
ازا كنتي تبيها بالكراميل استبدلي الكاكاو بالنسكافية
 
 



تنحط على الطبقة التانية بالملعقة انتبهي تسكبيها لانو الطبقة التانية ناعمة و راح تنقطع معاكي
و تحطيها بالتلاجة و تقدم باردة



 
بالعافية  على قلوبكم  ^_^
　

التسميات:

تعليقات

إرسال تعليق

المشاركات الشائعة من هذه المدونة

كب كيك المخمل الاحمر Red velvet Cupcake

كب كيك المخمل الاحمر     الوصفة دي دورت عنها كتير و كان ليا تجربة سابقة بس ما كانت كب كيك كانت كيك بس الصراحة دي الوصفة ما دوقت الز ولا احلى منها حتى طعمها غلب منش دا رايي الشخصي و راي الي داقوها انا انصحكم بشدة انكم تجربوها و ما راح تندمو بس لازم تعملو زي الوصفة تماما لا تغيرو شيئ عشان تحصلو على على كب كيك بغاية الروعة و مناسب للمناسبات و الضيافة لانو اي احد ح يدوقو ح يقول انكك فنانة   الوصفة دي اخدتها من مدونة وحدآ أجنبية وصفاتها رائعة و حمسني شكل الكب كيك حقها و كمان كانت كاتبة انها تعبت عشان تلاقي الوصفة دي و انها دورت كتير و دي احسن و الز كب كيك مخمل   دا رابط وصفة ميشيل   http://www.browneyedbaker.com/2010/11/08/red-velvet-cupcakes-cream-cheese-frosting/comment-page-2/#comments     مقادير الكب كيك : 4 ملاعق كبيرة زبدة غير مملحة 3/4 كوب سكر بيضة كبيرة 2 ونص ملعقة كبيرة كاكاو ( الكاكاو الغير مسكر ) 3 ملاعق كبير ملون طعام أحمر (اسمو red rough )   حطيت صورتو *دآ افضل ملون طعام اح...
تعليقان (2)
قراءة المزيد

تشيز كيك نيويورك مع كوليه الفروالة

تشيز كيك نيويورك مع كوليه الفروالة     كتتتتتير لما ندور في النت عن وصفات حلا او بالاخص "تشيز كيك " تكون جدآ سهلة و ما تحتاجج وقت و طلباتها بسيطة و النتيجة تكون ماهي متماسكة ازا طلعت برا التلاجة لوقت و لازم على طول تناكل ولا ح ترجع شوربة على العموم في مدونة ياسمين الفوزان لقيت وصفة تشيز كيك و البنت دي ماشاء الله وصفاتها دايما فيها ابداع ف حبيت اني اجرب وصفتها   اولا دآ رابط وصفتها من مدونتها   http://yasmine.ws/new-york-cheesecake-with-mixed-berry-puree/   حآبة اقول انو النتيجة كانت جيدة و طبعا تجربتي ما ح اقول انها كانت خالية من الاخطاء لانو اول تجربة غالبآ ما تكون فيها خبرة و تنكسب الخبرة منها   مقادير القاعدة : - 1 3/4 كوب بسكويت دايجستف مطحون - 1 اصبع من الزبدة المذابة (100 غرام) - 1/2 كوب جوز مطحون - ربع ملعقة صغيرة قرفة   *ملاحظة : (ازا ما كان الجوز طازج استغني عنو- عموما انا ح اكون استغني عنو لانو اهلي ما عجبهم فضلو ان القاعدة تكون عبارة عن بسكويت و زبدة ) مقادير كيك الجبن : - 750 غرام من جبن...
إرسال تعليق
قراءة المزيد

كيكة البرتقال يمي يمي

    اختي طلبت مني اسويلها كيكة البرتقال عشان كدا عملتها   و اخدت الوصفة موضوع اريام في منتدى شمواه   و دا رابط وصفتها   http://www.shamoa.com/vb/showthread.php?t=39656   انا كلها سويتها بالمقاسات المعيارية    المقادير : . 4 / بيضات بشر برتقاله ملعقه صغيره فانيليا 1 / كاس سكر نص كأس زيت برتقالتين (نعصرها و نضيفلها مويا لين تسير كوب)   المقادير الجافة في و عاء و نخلطها على بعض 2/ كأس دقيق منخول   ظرف كريم كراميل 1 / ملعقة كبيرة بيكنج باودر ربع ملعقة صغيره خميرة فوريه رشة ملح الطريقة نحط البيض و قشر البرتقال و الفانيلا في الخلاط الاتوماتيكي او اليدوي و نخلطو ثم نضيف السكر ثم نضيف الزيت بعد ان يمتزج جيدا نضيف المقادير الجافة عندما يمتزج تمامآ نضع الخليط في صينية مدهونة بزيت و دقيق او مغطاه بورق زبدة تقريبا لمدة 45 دقيقة على نار من تحت وبعد ما تبرد نحط فوقها سكر بوردة (ايسينج شوجر ) لانها تفرق بطعم الكيكة مرة و حتى البرتقال يفرق بطعم الكيكة  و نقطعها     ...
إرسال تعليق
قراءة المزيد