تشيز كيك نيويورك مع كوليه الفروالة

تشيز كيك نيويورك مع كوليه الفروالة

 

 

كتتتتتير لما ندور في النت عن وصفات حلا او بالاخص "تشيز كيك "

تكون جدآ سهلة و ما تحتاجج وقت و طلباتها بسيطة

و النتيجة تكون ماهي متماسكة ازا طلعت برا التلاجة لوقت و لازم على طول

تناكل ولا ح ترجع شوربة على العموم في مدونة ياسمين الفوزان

لقيت وصفة تشيز كيك و البنت دي ماشاء الله وصفاتها دايما فيها ابداع

ف حبيت اني اجرب وصفتها

 

اولا دآ رابط وصفتها من مدونتها

 

http://yasmine.ws/new-york-cheesecake-with-mixed-berry-puree/

 

حآبة اقول انو النتيجة كانت جيدة و طبعا تجربتي ما ح اقول انها كانت خالية

من الاخطاء لانو اول تجربة غالبآ ما تكون فيها خبرة و تنكسب الخبرة منها

 

مقادير القاعدة :
- 1 3/4 كوب بسكويت دايجستف مطحون
- 1 اصبع من الزبدة المذابة (100 غرام)
- 1/2 كوب جوز مطحون

- ربع ملعقة صغيرة قرفة

 

*ملاحظة : (ازا ما كان الجوز طازج استغني عنو- عموما انا ح اكون استغني

عنو لانو اهلي ما عجبهم فضلو ان القاعدة تكون عبارة عن بسكويت و زبدة )

مقادير كيك الجبن :
- 750 غرام من جبنة الكريم ( 500 غرام كيري ، 250 غرام فيلادلفيا)

*500 غرام كيري يعني حوالي 28 قطعة

 -كوب ونصف من السكر
- 5 بيضات

- 3 ملاعق كبيرة عصير ليمون

 

*ملاحظة : طعم التشيز كيك بيكون معتمد على اختيارك لنوع الجبن يعني

الطبخة ما راح تطلع زي حقت بيتزا هت او كنتاكي او كافيه معين ليه

لانو على حسب الجبنة المستخدمة

انا دوقت تشيز كيك في كافيه فيرجن و مرا ما حبيتو لانو

كان معتمد بس على جبنة فيلادلفيا عشان كدا الوصفة دي فيها نوعين جبن

و لو تحبي نوع معين جبنة الكريم استخدميه هي مسالة ذوق طبعا

 

مقادير تغليفة الجبن :

- 2 كوب كريمة حامضة "الرائبة " (متوفرة في السوبر ماركت )
- 1/4 كوب من السكر

- ملعقة صغيرة روح الفانيلا

 

مقادير صوص الكوليه (بالفروالة ):

- فروالة مجمدة

- سكر بودرة

- ملون طعام أحمر "بودرة"

- عصرة ليمون

 

*وصفة كوليه الفروالة ماخودة من مدونة توب الشيف

http://topchefcooks.com/2011/01/27/fruitcoulis/

* انا ما سويت صوص ياسمين لانو المقادير ما كنت متوفرة عندي و

كوليه الفروالة كان مرة حلو و سهل

 

الطريقة:

 

الخطوة الاولى : سخني الفرن على درجة حرارة 180 مئوية، واخلطي مقادير القاعدة سوا ورصيها بصينية تشيز كيك 10 انتش. حطيها بالتلاجة شويا عشان تتماسك ..

الخطوة التانية كيكة الجبن : اخلطي نوعين الجبن لين يندمجو وضيفي السكر

و بعدين ضيفي البيض تدريجياً لين يصير مرة كريمي وناعم و اخر شيئ عصير الليمون
اخبزيها بالفرن لمدة 45 أو 50 دقيقة ..

 

*(ملاحظة من مدونة ياسمين: إذا خايفين تحترق القاعدة وهذا شيء يصير مع ناس كثار، ممكن تغطون الصينية من برا بثلاث طبقات قصدير وتحطونها في حمام مائي، رح تطول أكثر يمكن تأخذ فوق ساعة بهالطريقة)

 

* ملاحظة : لما حطيت صينية التيشيز كيك في الفرن كان فيي زي الزيت

يتسرب من الصينة يطيح نهاية الفرن مدري تقريبا دي الزبدة الي مع البسكويت او الجوز

لانو المكسرات بشكل عام تحتوي زيوت او العيب من الصينية نفسها ما ادري ايش السبب بالتحديد

 ف عشان كدا يفضل انك تحطي صينة في قاع الفرن او

قصدير عشان لا يتوسخخ و يكون صصعب التنظيف عليكي

 

الخطوة التالتة : لما يكون باقي 10 دقايق عشان تستوي

 نحط في وعاء مقادير تغليفة الجبن و نخلطها لين تتجانس

بعدين نطلع التشيز كيك من الفرن بعد ما استوت ونخفض حرارة

 الفرن لـ 150 درجة مئوية ونحط تغليفة الجبن على التشيز كيك و نرجعها الفرن

لمدة ربع ساعة

 

 

 

الخطوة الرابعة : بعد ما نطلعها من الفرن نخليها تبرد برا حوالي اربع ساعات

 وبعدين ندخلها التلاجة لمدة تمنية ساعات ع الاقل

 

الخطوة الاخيرة : نحط الفروالة في قدر على النار بحرارة متوسطة

و نضيفلو السكر البودرة و نجلس نخلط لين يتحول السكر لي صوص مع الفروالة و نضيف عصرة الليمون

 و ازا كان اللون مو احمر نحط ملون الطعام ملعقة صغيرة تقريبا تكفي

 

بعدين  حطي الفراولة في خلاط و أخلطيها  إلين تصير ناعمه مره . خليها تبرد واسكبيها

على التشيز كيك عشان تغطيها  

 

 

 

 

و بالعافية على قلوبكم ^_^