عجينة المعجنات

عجينة المعجنات

 

 

 

 

 كمية المعجنات كانت اكتر من كدا  بكتير بس ما لحقت اصورها لاني روحت اجيب الكاميرا و رجعت

لقيت دا الباقي :/ اهلي يحبو المعجنات مرررا ههههههههههه ما يستنوها تجيلهم هما يروحلها ههههههههههههه

المهم

 

في مرة كنت ادور عن وصفة المعجنات السبانخ و طحت على دآ الموضوع  

 

http://www.liilas.com/vb3/t147382.html

 

و الصراحة العجييينة دي جدآ جدآ رهييية طعمها روعة و و ناعمة فوق الخيال

و تنفع مع السبانخ و الكيري و الجبنة و اي حشوة تحبيها

بس الي ماناسبني في موضوعها حشوة السبانخخ

 

الي تعرف حشوة سبانخ حلوة يا ريت تقولنا عليها

و انا دحين لما اعمل سبانخ عندي وصفة حشوة

طعمها حلو بس مو جنان

و انا دايما اطمح للاحلى

 

الوصفة دي بالكاسات و الملاعق الـ مو بالمقاسات المعيارية ..

 

نجي للمقادير :

4ونصف دقيق (تقريبا واحد كيلو دقيق )

ملعقة كبيرة خميرة فورية

ملعقة طعام بيكنج بودر 

رشة ملح

5ملاعق كبيرة حليب بودرة

نصف فنجان سكر

*الفنجان الي كدا شكلو

 

 

فنجال قهوة زيت

* الي كدا شكلو

 

 

كاسة ونص مويا

 

الطريقة : نخلط المقادير الجافة مع بعض و بعدين نخلص المقادير السائلة مع الخليط السابق لين تصير عجينة

و كل ما تطولي بالعجن كل ما تكون العجينة ناعمة و تذوب بالفم

و طبعا تبدي تستخدميها بعد ما تتخمر

 

حشوة السبانخ

 

المقادير :

تحتاجي سبانخ طازج او مجمد

*ازا تحبي الطازج خدي رزمتين او تلاتة - زمة وحدا ما تكفي ابدا

*بالنسبة للمجمد يكفي كيس واحد او اتنين

عصير ليمون كبيرة ممكن ليمونة او اتنين زي ما تحبي

*لنقع السبانخ

زيت للتحمير

بصل

ملعقة صغيرة ثوم مطحون

ليمونة او ليمونتين كبيرة

*على حسب الحموضة الي تبغيها

نص ملعقة فلفل اسود

ملعقين صغيرة سماق

 ملعقة صغيرة ملح

 خل أبيض

ملعقتين صغيرة دبس الرمان

 

الطريقة :

نغسل السبانخ و نشيل منو العصيان و نفكو و بعدها ننقعو بالليمون و نحطو بالتلاجة

بعد ما يخلص نقع تصفيه من الليمون لانو السبانخ راح يتشرب الليمون و راح تطلع لما نطبخبو

*السبانخ لما يطول في الطبخ يصير طعمو مر عشان كدا يفضل انك ما تخليه يطول على النار

نحمر البصل بالزيت  بعد ما يحمر نضيفلو ثوم مطحون و نخلط كويس و نضيفلو عصير الليمون مع  فلفل اسود و سماق و ملح و بالغطاء خل و دبس الرمان و نخلط تمام و نضيفلو السبانخ و نقلب لين يستوي و نطفي يعني السبانخ ما يقعد في النار اكتر من 7 دقايق تقريبا ..

انا جربت العجينة بالجنبة الهنجاري و الكيري و بدي الحشوة

و دايما ما يكمل نص يوم الا وهيا مخلصة

وطبعا ندهن الصواني بي الزيت و نرش عليها دقيق و ندهن المعجنات بي صفار البيض

عشان يحمر من فوق

 

و بالعافية على قلوبكم ^_^