عكيت عك عشان اعمل البيتي فور
الوصفة من
http://www.shamoa.com/vb/showthread.php?t=65791
صينية انحرقت و صينية مو مستوية و في النهاية زبط
البيتي فور دا لزيز و يقرمش بس لو تبغو لونو اصفر من كدا استبدلو النشا بالكاسترد
نحتاج خفاقة آلية
نحتاج ورق زبدة
نحتاج ماكينة البيتي فورضروري جدا
انا ما كان عندي عشان كدا تعبت مرة ياخد وقت و ما يقرمش
اذا ما عندكم انصحكم لا تعملو .
المقادير :
200 غرام زبدة بحرارة الغرفة
1 بياض بيض
بيضة
1 وربع كوب سكر مطحون
ملعقة صغيرة بكنج بودر
فانيلا
كوب نشا
نص كوب كاسترد
2 كوب طحين
رشة ملح
الطريقة :
نخلط الزبدة و السكر المطحون مع بعض
و بعدين نضيف النشا و الكاسترد
و بعدين نضيف البيض وًالفانيلا و البيكنج باودو و الملح
و بعدين نضيف الدقيق . نغطيها بالنايلون ، و نخليها في الثلاجة نص ساعة .
و نبدأ التشكيل
ملاحظات :
البتي فور محتاج يتعمل بالاداة حقتو عشان يكون ناجح .
البتي فور عشان يكون ناجح و لزيز لازم يحمر من تحت و فوق او بيكون طعمو مو مستوي و عجينة من جوا .
احلى مربى الفروالة غير كدا ما انصحك .
مثال دا مو محمر من الاعلى و الاسفل
من الاسفل
بينما دا اتحمر من فوق و تحت بزيادة و انحرق
و دا اتحمر من الاسفل و ما اتحمر من الاعلى
ح تقولو وين الناجح طيب
دا الناجح
متحمر من الاسفل و الاعلى بدون ما ينحرق
الكمية كبيرة اكتر من كدا برأيي تعملو نص الكمية اذا ما كان عددكم كبير
- انا أحبو بالشوكولاته بس للأسف ما كان عندي كاكاو
- اذا تحبو لونو أصفر من كدا استبدلو النشا بالكاسترد
أزال أحد مشرفي المدونة هذا التعليق.
ردحذف