الي ما يعرف طريقة تقطيع و تجهيز الملفوف للحشو يلقاها هنا
في موضوع حلاوة الايمان و كمان طريقتها موجودة
بس انا اسويه بطريقتي
مقادير الحشوة :
3 بصلات كبيرة
نص حزمة بقدونس
ربع حزمة او نص نعناع
كاستين رز مصري منقوع
ملعقة كبينرة معجون طماطم
3 حبات طماطم
نص حبة مرقة ماجي
فصة توم
زيت زيتون
6 حبات ليمون
فلفل اسود
ملح
مويا
مقادير التسبيكة
علبة صلصة طماطم , مو المعجون لا الصلصة
وحبتين طماطم صغار
حبتين مرقة ماجي
دبس الرمان
خل
11 حبة ليمون صغير
الطريقة
الخطوة الاولى الحشوة
ننقع الرز المصري بالمويا
نحط بالخلاط الطماط و الليمون و الفلفل و الملح و مرقة ماجي و المويا و زيت الزيتون مممكن ملعقة او ملعقتين و فصة التوم و ملعقة معجون الطماطم و نخلطو ..
نكشن البصل بعد ما ييبد يتغير لونو نحط معاه التوم المهروس ونضفلو البقدودنس و النعناع ما نخليه يطول عشان لا يتغير لونو و يدبل نبغاهه فريش شويا ونضيف الرز مصري و نسكب عليه الخليط الي عملناهه و دوقي لو في تعديل او حاجة تزبيطيه و تخليه لين ينطبخ الرز
الخطوة التانية بعد ما نحشي الملفوف -
نحط في اسفل القدر شرايح بطاطس و فوقها الملفوف الي حشيناه
الخطوة التالتة
ف الخلاط صلصة طماطم و حبتين طماطم صغار حبتين ماجي, ،
دبس الرمان ، خل ، ١١ حبة ليمون و مويا نطبخها على النار لين تتسبك و تزبططي طعمها و تسكبيها في دقر الملفوف
لازم المويا توصل لين اخر صف في الملفوف عشان ينسلق كلو زي بعض و تحطيه على نار هادية
و بالعافية على قلوبكم
تسلم أيديك. شكله جداً لذيذ.
ردحذفالله يسلمك يا قلبي ، بس اكيد مو احلى من الي بتسويه
ردحذف