كب كيك المخمل الاحمر
الوصفة دي دورت عنها كتير و كان ليا تجربة سابقة بس ما كانت كب كيك
كانت كيك بس الصراحة دي الوصفة ما دوقت الز ولا احلى منها
حتى طعمها غلب منش دا رايي الشخصي و راي الي داقوها
انا انصحكم بشدة انكم تجربوها و ما راح تندمو
بس لازم تعملو زي الوصفة تماما لا تغيرو شيئ عشان تحصلو على
على كب كيك بغاية الروعة و مناسب للمناسبات و الضيافة لانو اي احد ح يدوقو
ح يقول انكك فنانة
الوصفة دي اخدتها من مدونة وحدآ أجنبية وصفاتها رائعة و حمسني شكل
الكب كيك حقها و كمان كانت كاتبة انها تعبت عشان تلاقي الوصفة دي
و انها دورت كتير و دي احسن و الز كب كيك مخمل
دا رابط وصفة ميشيل
مقادير الكب كيك :
4 ملاعق كبيرة زبدة غير مملحة
3/4 كوب سكر
بيضة كبيرة
2 ونص ملعقة كبيرة كاكاو (الكاكاو الغير مسكر)
3 ملاعق كبير ملون طعام أحمر (اسمو red rough )
حطيت صورتو *دآ افضل ملون طعام احمر عن تجربة
في تجربتي السابقة استخدمت ملون احمر من شركة تانية
و النتيجة كانت برتقالي محمر : (
2/1 ملعقة صغيرة فانيلا سائلة
2/1 كوب لبن المخيض (متوفر في الدانوب او هايبر بنده )
كوب +ملعقتين كبار دقيق أبيض متعدد الاستخدام
نص ملعقة صغيرة ملح
نص ملعقة صغيرة بيكنج صودا
ملعقة ونص صغيرة خل أبيض
مقادير تغطية (كريمة الجبن) :
113 غرام زبدة غير مملحة
113 غرام جبنة فيلادلفيا
2 ونص كوب سكر بودرة( و انا انصحكم تشتروهه من السوبر ماركت
ما تخلطو السكر العادي بالخلاط وتقولو بودرة لانو النتيجة ما راح تكون مثالية )
ملعقة كبيرة فانيلا سائلة
الطريقة : سخني الفرن 180 وجيبي صينة الكب الكيك و حطي عليها اوراق الكب الكيك
تقريبا الكمية ح تكون كافية (12 حبة )
الخليط الاول (بالخلاط الاتوماتكيي , او اليدوي ) في وعاء عميق حطي الزبدة مع السكر اخلطيها لين يصير الخليط ناعم بسرعة متوسطة لمدة 3 دقايق تقريبا و بعدها نضيف البيضة ونخلط الخليط
جيدا
الخليط التاني ح نعملو بزبدية شويا كبيرة - ح نخلط ملون الطعام و الفانيلا و الكاكاو مع بعض و بعدها نضيفو للخليط الاول ح يتلون الخليط و بيصير لونو مخمل احمر
دحين ح نضيف على الخليط نص لبن المخيض ونخلط و بعدين نضيف نص الدقيق
و نخلط بسرعة بطئية ونكرر العملية مرة تانية لين يخلص لبن المخيض و الدقيق
اخلطي بسرعة عالية لين تتاكدي انو الخليط صار ناعم
أخر خطوة حح نضيف للخليط الملح و البيكنج صودا و الخل و نخلط لين يتجانس الخليط
دحين نوزع الخليط في صينية الكب كيك و نحطو بالفرن لمدة تقريبا 20 الى 30 دقيقة
دا يعتمد على حرارة الفرن و تتاكدي انو الكيكة استوت عن طريق عود الاسنان
وبعد ما تجهز نطلعها من الفرن نخليها تبرد تمام قبل ما نحط عليها التغطية
طريقة التغطية (كريمة الجبن):
بالخلاط الاتوماتيكي او اليدوي - نخفق الزبدة و الجبن مع بعض لين يصير الخليط كريمي - بسرعة عالية لمدة 5 دقايق -
دحين نضيف السكر البودرة نبدا بسرعة بطئية لعالية عشان لا يطير السكر
(طبعا ازا خلطتي السكر في البيت بالخلاط العادي ما راح تروح ملامح السكر ح تحسي انو في سكر ف الخليط )
و نضيف اخيرا الفانيلا و بكدا تكون التغطية جاهزة
وبعد ما تبرد الكب كيك نحطها عليها التغطيه عشان لا تسيح
و بالعافية على قلوبكم ^_^
السلام عليكم
ردحذفماشاء الله تبارك الله شكل الكب كيك يشههي
تسلمممين على هالوصفةة الححلللوووة
وراح اجربها بإذن الله تعالى
بس عندي سؤال صغنون :
اانا ابغى الكيك بدون الوان وبدون شوكولاتة هل ينفع ؟
طيب اذا ينفع ممكن تقوليلي
كيف اعدل على الوصفه هاذي عشان احصل على كب كيك فانيليا بس بنفس المقادير ؟؟
انتظر ردك ححببوبة ^_^
أزال أحد مشرفي المدونة هذا التعليق.
ردحذف