Loda World

تكساس تشيز فرايز       الوصفة ماخوذة من   http://www.vb.eqla3.com/showpost.php?p=42367096&postcount=756       المقادير بطاطس القلي صدور دجاج فيليه بدون عظم حبتين طماطم مقطعة مربعات صغيره جبنة  مازورلا معجون طماطم   بهارات مشكله  و ملح 3 ملاعق كاتشب الطريقه نقلي البطاطس نقطع صدور الدجاج مربعات صغيره ونحطها بالمقلى نحط شوية زيت ونشوحه نضيف عليها الطماطم ونحط البهارات والملح والمعجون والكاتشب ونحط شوية مويا ونخليه لين يستوي الدجاج بعدين نجيب صينية فرن صغيرة ونحط طبقة بطاطس المقلي وطبقة خلطة الدجاج وفوقها جبن مازورلا ونكرر نفس الطبقه مره تانيه وانهيا بالجبن المازورلا والبصل الاخضر وادخلها الفرن لين يذوب الجبن     بالعافية على قلوبكم ^_^

بريد كيك بالحليب المحلى            بريد كيك جدآ لزيز للي يفضلو الحليب المحلى و الي ما يحبو الحليب المحلى يستبدلوه بحليب كامل الدسم لانو دي الوصفة ما تتفوت , و هي مو رخامية  بالاصل بس انا ددخلت عليها الشوكولاتة عشان كان نفسي فيها   الوصفة اخدتها من  مدونة اجنبية و طبعا من غير شوكولاتة   http://pizzarossa.wordpress.com/2012/05/05/vanilla-condensed-milk-cake/   المقادير :   1 + 3/1  كوب دقيق نص ملعقة صغيرة ملح ملعقة صغيرة بيكنج بودر نص كوب سكر 225 غرام زبدة 3 بيضات ملعقتين صغيرة فانيلا سائلة او بودرة 3/4 كوب حليب محلى ( حليب كامل الدسم )   الطريقة :   نسخن الفرن على 180 - ننخل في وعاء المقادير الجافة (الدقيق +الملح +البكينج بودر)  نقلبهم على بعض و نحطهم على جنب   نضرب في الخلاط الاتوماتيكي او اليدوي السكر + الزبدة لين يصير الخليط ناعم نضيف البيض بس مو بعض كل بيضة على حدا   بعد ما يتجانس الخليط نضيف الفانيلا و الحليب المحلى ( او حليب كامل الدسم )   بعد ما نخلطهم نضيف المقادير الجافة للخليط و نقلب الخليط حتى يتجانس كل

بيكاتا بالليمون   أكلة لزيزا جدآ و طعمها مميز اكلة فاخرة و طريقتها سهلة اخدت الوصفة من   من موضوع ام يوسف من منتدى بيت حواء   http://forum.hawahome.com/t326494.html و من فيديو صاحبة الوصفة الاصلية http://www.youtube.com/watch?v=Pm-HzC5Copw المقادير اليوم ح تكون على حسب الكمية المقادير صدور دجاج دقيق ابيض عيش (بقسماط) مطحون متبل بيض ملح - فلفل اسود مقادير صوص الليمون  ربع كاسة عصير ليمون (انتي تعصري الليمون بنفسك من غير اضافات) ربع مكعب ماجي 4 ملاعق زبدة   لازم العيش المطحون يكون متبل ، لازم تبدي بمقلى كويسة عشان ما تقروشك في طبخ صلصة الليمون  لازم سُمك الدجاج يكون نحيف يعني لازم ترقي صدور الدجاج بدقاق اللحم الطريقة  فيليه الدجاج بيكاتا   نتبل الدججاج بالدقيق (مخلوط مع فلفل و ملح ) و بعدين نقلب الدجاج مع البيض و اخيرا مع العيش المطحون المتبل و نقليه بزيت زيتون و بعد ما نخلص نحطو في الفرن مدة 10 دقايق بعدين نمسح المقلى بالمنديل عشان ح نعمل فيها صوص الليمون   صوص الليمون   في نفس المقلى الي قلينا بيها نذوب ملاعقتين زبدة نضيف

عجينة المعجنات          كمية المعجنات كانت اكتر من كدا  بكتير  بس ما لحقت اصورها لاني روحت اجيب الكاميرا و رجعت لقيت دا الباقي :/ اهلي يحبو المعجنات مرررا ههههههههههه ما يستنوها تجيلهم هما يروحلها ههههههههههههه المهم   في مرة كنت ادور عن وصفة المعجنات السبانخ و طحت على دآ الموضوع     http://www.liilas.com/vb3/t147382.html   و الصراحة العجييينة دي جدآ جدآ رهييية طعمها روعة و و ناعمة فوق الخيال و تنفع مع السبانخ و الكيري و الجبنة و اي حشوة تحبيها بس الي ماناسبني في موضوعها حشوة السبانخخ   الي تعرف حشوة سبانخ حلوة يا ريت تقولنا عليها و انا دحين لما اعمل سبانخ عندي وصفة حشوة طعمها حلو بس مو جنان و انا دايما اطمح للاحلى   الوصفة دي بالكاسات و الملاعق الـ مو بالمقاسات المعيارية ..   نجي للمقادير : 4ونصف دقيق (تقريبا واحد كيلو دقيق ) ملعقة كبيرة خميرة فورية ملعقة طعام بيكنج بودر  رشة ملح 5ملاعق كبيرة حليب بودرة نصف فنجان سكر * الفنجان الي كدا شكلو     فنجال قهوة زيت * الي كدا شكلو     كاسة ونص موي

اتشوكليت فوندت (المولتن)         الفوندت او المولتن كيك متعارف عند الاغلب باسم سوفليه مع انو السوفلية غير جدآ عن الي ممكن نتخيلو الحلا دآ سهل جججدآ و فخم كمان اي احد ما يعرف كيف ينعمل ح يفكر القصة انجاز بس حآبة اقول انو الي متعارف عنو باسم سوفليه  طعمو بعيد شويا عن الفوندت او المولتن الي ممكن تشتريه من كافيه او مطعم ودآ بسبب الشوكولات المستخدمة بالوصفة طبعا دي اول تجربة ليا بالوصفة عشان كدا النتيجة ما كانت بيرفيكت بس الطعم رائع و كسبت منها خبرة اكيد 1- الفوندت لازم يناكل مع الايس كريم عشانو دسم , انا اول كنت مفكرة الايس كريم دلع هههه 2- الفوندت يناكل طازج لا تفكري تحطيه بالتلاجة لانو راح يتنفخ و يصيرلو اشياء غريبة 3- ازا فكرتي تسخنيه بالميكرويف بعد التلاجة انا اقولك  هيا من دحين  ح يقلب كيك 4- ما ينفع يناكل بايت يوم او يومين لانو طعمو يتغير, فريش بعد الفرن ولا احلىى , خيال   انا عملت الوصفة من مدونة ياسمين فوزان و ان شاء الله اجرب وصفة الشيف خالد صاحب مدونة توب شيف   http://yasmine.ws/chocolate-fondant-with-vanilla-ice-cream-and-raspberry-sauc

تشيز كيك نيويورك مع كوليه الفروالة     كتتتتتير لما ندور في النت عن وصفات حلا او بالاخص "تشيز كيك " تكون جدآ سهلة و ما تحتاجج وقت و طلباتها بسيطة و النتيجة تكون ماهي متماسكة ازا طلعت برا التلاجة لوقت و لازم على طول تناكل ولا ح ترجع شوربة على العموم في مدونة ياسمين الفوزان لقيت وصفة تشيز كيك و البنت دي ماشاء الله وصفاتها دايما فيها ابداع ف حبيت اني اجرب وصفتها   اولا دآ رابط وصفتها من مدونتها   http://yasmine.ws/new-york-cheesecake-with-mixed-berry-puree/   حآبة اقول انو النتيجة كانت جيدة و طبعا تجربتي ما ح اقول انها كانت خالية من الاخطاء لانو اول تجربة غالبآ ما تكون فيها خبرة و تنكسب الخبرة منها   مقادير القاعدة : - 1 3/4 كوب بسكويت دايجستف مطحون - 1 اصبع من الزبدة المذابة (100 غرام) - 1/2 كوب جوز مطحون - ربع ملعقة صغيرة قرفة   *ملاحظة : (ازا ما كان الجوز طازج استغني عنو- عموما انا ح اكون استغني عنو لانو اهلي ما عجبهم فضلو ان القاعدة تكون عبارة عن بسكويت و زبدة ) مقادير كيك الجبن : - 750 غرام من جبنة الكريم ( 500 غرام كيري

كب كيك المخمل الاحمر     الوصفة دي دورت عنها كتير و كان ليا تجربة سابقة بس ما كانت كب كيك كانت كيك بس الصراحة دي الوصفة ما دوقت الز ولا احلى منها حتى طعمها غلب منش دا رايي الشخصي و راي الي داقوها انا انصحكم بشدة انكم تجربوها و ما راح تندمو بس لازم تعملو زي الوصفة تماما لا تغيرو شيئ عشان تحصلو على على كب كيك بغاية الروعة و مناسب للمناسبات و الضيافة لانو اي احد ح يدوقو ح يقول انكك فنانة   الوصفة دي اخدتها من مدونة وحدآ أجنبية وصفاتها رائعة و حمسني شكل الكب كيك حقها و كمان كانت كاتبة انها تعبت عشان تلاقي الوصفة دي و انها دورت كتير و دي احسن و الز كب كيك مخمل   دا رابط وصفة ميشيل   http://www.browneyedbaker.com/2010/11/08/red-velvet-cupcakes-cream-cheese-frosting/comment-page-2/#comments     مقادير الكب كيك : 4 ملاعق كبيرة زبدة غير مملحة 3/4 كوب سكر بيضة كبيرة 2 ونص ملعقة كبيرة كاكاو ( الكاكاو الغير مسكر ) 3 ملاعق كبير ملون طعام أحمر (اسمو red rough )   حطيت صورتو *دآ افضل ملون طعام احمر عن تجربة في تجربتي السابقة استخدمت

كوكيز بقطع الشوكولاتة     مرآ أحب الكوكيز و من اول عندي لهفة اني أعملو و اول ما سمحت الفرصة عملـتو , النتيجة حلوة بس انا ما اقتعنت كليا عشان كدا ح يكون ليا تجربة تانية في الكوكيز بس طعم وصفة الكوكيز دي كانت جيدة   الوصفة دي أخدتها من اليوتيوب و دا رابط المقطع   http://www.youtube.com/watch?v=UqSmEZaCxXY   و دا رابط الوصفة كتابيا   http://rouxbe.com/recipes/75/text   و دآ رابط موضوع مميز لصاحب مدونة توب شيف عن كل شي يتعلق بالكوكيز   http://www.shamoa.com/vb/showthread.php?t=31588   يلا نجي للمقادير :   3/4 كوب زبدة غير مملحة (170 غرام ) 3/4 كوب سكر بني مطحون 1/2 كوب سكر ابيض ملعقتين صغيرة فانيلا سائلة بيضة كبيرة صفار بيضة كوبين دقيق متعدد الاستخدام *( ازا ما كنتي تبغيه قاسي مرا استخدمي دقيق الحلويات ) نص ملعقة صغيرة بيكنج صودا نص ملعقة صغيرة ملح كوب او كوبين رقائق الشوكولاتة ( هيرشي )   الطريقة : سخني الفرن 180 درجة و ذوبي الزبدة و حطيها في زبدة في التلاجة لين تبرد في وعاء انخلي الدقيق و الملح و البيكنج صو

أستيك اللحم بالفرن       الاستيك أكلة الاغلب يحبها و معروفة طبعا في المطبخ الامريكي و الغربي بشكل عام دآيما اشتهي اعمل استيك بس ما لقيت الطريقة المناسبة و طريقة ماما ماني مقتنعة بيها و مو دآك المستوى الي انا ابغى اطعمو في الاستيك المهم كنت اتصفح في مدونة راوية ( راوية انسانة مهتمة بالطبخ و الخياطة ) مدونتها اكتر من رائعة و استلهمت و عملت من عندها اكتر من وصفة   ف الاستيك قررت اعملو بنفس طريقة البريسكيت من مدونتها و دا رابط وصفتها  http://housewifenote.blogspot.com/2010/12/blog-post_14.html   ما قدرت أصورها لاني اول ما طلعتها  من الفرن اخدو الصينية و حطوها على السفرة و اكلوها حتى ما قدرت احطها على صحن تقديم حاولت التقط لها كم صورة بس مو ديك الجودة لكن شكلها فعلا شهيية   مقادير التتبيلة الاولى :   تقريبا كيلو استيك (حوالي 16 الى 20 شريحة ) ماني متاكدة لانها كانت تجربة ملعقة كبيرة بودرة الثوم ملعقة كبيرة بودرة البصل (انا ما كانت متوفرة عندي و هرست البصل بس طبعا مو نفس النتيجة لكنها مقبولة ) ملعقة كبيرة ملح 2 معلقة كبيرة من صلصة الباربكي

      خلية النحل اكلة لزيزا مممرآ كل ما اسويها ما شاء الله ما تبقى لليوم التاني لانو المعجنات بشكل عام كل ما تخشي المطبخ تحبي تاكليها مقارنة بالكيك او الحلا الي يحتجلو مزاجج   العجينة جدآ لزيزا و هشة و طرية  بس الطراوة تعتمد على عجنكك كل ما تعجني اكتر كل ما تكون هشة الوصفة دي اتعلمتها من ماما ( الله يحفظها يا رب ) عشان كدا مقاسات المقادير مو بالكاسات و الاكواب المعيارية   المقادير :   1كيلو دقيق متعدد الاستخدام ملعقة طعام خميرة فورية ملعقة طعام بيكنج باودر 3 ملاعق طعام حليب بودرة (نيدو) ملعقتين طعام سكر ابيض ملعقة صغيرة ملح ملعقة صغيرة فانيلا بيضة نص كاسة زيت كاستين مويا -- مقادير الحشوة : جبنة بيضاء - هنغاري او اي نوع تحبي جبنة كيري --- شيرة - صفار بيضة   الطريقة : نخلط المقادير الجافة مع بعض و نضيف الى الخليط المقادير السايلة وح تصير معاكي عجينة و اعجينها اكتر عشان تزيد الطرواة .سيبيها تتخمر ساعتين او زي ما تحبي * انا استخدمت 1 كيلو دقيق يعني الكمية كبيرة تقريبا صينتين كبيرة و نحشيها بالجنبة البيضاء (انا افضل جبن

الوصفة دي لزيزا و طعم الليمون فيها محسوس مو مررا قوي و ندوقو في نهاية الاستطعام هههههه عع العموم الوصفة دي اخدتها من طباخة اجنبية اسمها جوي متخصصة في الحلويات و الكيك ، هي عندها موقع فيه كل وصفاتها و كمان مصورة وصفاتها فيديو على اليوتيوب للي حاب يشوف قبل ما يسوي دا رابط الوصفة و كمان الفيديو http://www.joyofbaking.com/VanillaCupcakes.html قبل ما اقول المقادير حابة انوهه انو المقادير الي باكتبها مو بالكاسات العادية لا بالكاسات المعيارية و حتى الملاعق ، ملاعق معيارية و دا الشي ضروري حتى تطلع الوصفة مزبوطة مقادير الكب كيك : نص كوب زبدة غير مملحة ( ١١٣ غرام ) ٢/٣ سكر ابيض عادي (١٣٠ غرام ) ٣ بيضات متوسطة ملعقة صغيرة فانيلا سائلة (معروفة بروح الفانيلا او نكهة الفانيلا ) قشرة ليمون كبيرة ( بس قشرتها الصفرا ) نراعي اختيار ليمونة لونها اصفر و ماهي متبقعة كوب ونص من دقيق متعدد الاستخدامات ملعقة ونص صغيرة بيكنج باودر ربع ملعقة صغيرة ملح ربع كوب حليب (٦٠ غرام ) مقادير كريمة الكب كيك : كوبين سكر ابيض مطحون او (icing sugar)(٢٣٠غرام ) نص كو